Матаушы

Матаушы – жүктерді ілмектеуді немесе оларды одан әрі көтеру үшін арнайы қосалқы құралдарды бекітуді орындайтын жұмысшы.

Матаушы мамандығы бұрыннан белгілі: бұрын мұндай мамандар такелажшы деп аталды және теңіз порттарында жұмыс істеді. Бүгінде матаушы -мамандар түрлі салаларда: металлургиялық және ауыр өнеркәсіпте, құрылыста, қойма шаруашылығында, порттар мен теміржол терминалдарында сұранысқа ие. Өндірістік процестердің көпшілігі автоматтандырылғанына қарамастан, жүктерді бекіту кезінде адамсыз болмайды. Сонымен қатар, матаушы жақсы оқытылған сайын және оның біліктілігі жоғары болған сайын, оның жұмысы соншалық қауіпсіз болады. Кәсіптің табиғи қауіптерін төмендететін осындай мамандарды өндірісте бағалайды.

Жүкті дұрыс бекіте білу және оны қажетті орынға қауіпсіз жылжыту зейінді, техникалық білімді, жақсы физикалық форманы, қозғалысты нақты үйлестіруді талап етеді.

Матаушы краншымен бір буында жұмыс істейді. Үйлесімді жұмыс үшін жұмыстың барлық кезеңдерін толық үйлестіру қажет.

Матаушы – сұранысқа ие және құрметелетін жұмыс мамандығы. Жиі оны негізгі мамандықпен біріктіреді. Оқудан және аттестаттаудан кейін тыңдаушы матаушы куәлігін алады және жұмысқа жіберілуі мүмкін. Орындалатын жұмыстардың күрделілігіне байланысты матаушыға 2 – ден 6-ға дейінгі разряд беріледі.

Механизмдердің жетілдірілуіне байланысты ілмектеу тәсілдері де өзгереді, демек, матаушы жаңа жабдықпен жұмыс істеудің қауіпсіз әдістерін меңгере отырып, қайта даярлаудан өтуі тиіс.